Songo 'gnurante pecchè 'nun saccio 'e ccose.
Nè, ma pe campa' mm'avessa spara' 'e ppose?
Pe mmè 'a storia è 'nu cunto, sulo 'nu fattariello.
E' gente ca s'arricorda 'nu poco 'e chesto e cchello.
Siccome ca 'a filosofia mme dà malincunia:
me piglio ddoje o tre llezione d'â ggente mmiez'â via.
'A geografia? E che nne parlamme a ffa'.
Mme vevo 'nu surzo 'e vino e mme metto 'a viaggia'.
Frequento 'a tiempo 'na scola: notturna e serale.
Sò poche 'nsignamente: 'e primma elementare.
M'aggio laureato 'a scola d'ê pezziente.
Addò ce stà ggente ca pe coccheduno 'nunn'è niente.
Song'uno 'e chille ca se 'ngegnene pe fatica':
'a materia ca mme piace dint'ê libbre 'nun ce stà.
'E mmane mie ve ponno pure, pare' rozze e 'ngiallite,
ma j', cchiù 'e vveco sporche e cchiù me parene pulite...
Giovanna Balsamo
- Blog di Giovi55
- 1535 letture