Sostieni anche tu il nostro sito
Scritto da © Antonio Cristof... - Lun, 27/05/2013 - 05:05
Quando ‘a sera t‘aspetto,
mentre ‘e figli s’addormono,
pe ce stennere insieme e fa’ ammore,
pare quasi ‘e turnà
all’età mia cchiù antica,
quando ‘o sei ‘e gennaio
aspettavo ‘a befana.
Tutt’attuorno è silenzio,
nun se sente ‘na voce.
‘O cucù batte ll’ora
e fa dieci “cucù”.
Tu compari in vestaglia,
io cu’ ll’uocchie te spoglio,
e tu staie ‘ncopp’’a soglie
c’’o surriso ch’è doce.
Io già smanio,
e già tutto me pare che cagna:
non più stanza,
non più muri,
non più terra me pare ‘nce sta.
Me 'accuoste e cchiù lenta ‘sta mana me stienne,
vuo’ allungà ‘stu mumento ch’è eterno
e che pare nun vo’ cchiù passà.
Chianu chiane vicina te faie,
lentamente me vase ‘stu pietto…
Ma ‘o cucù pare fa ‘nu dispietto:
sona ll’ora!
Sona, sona! Sona so’!
Tu hai voglia ‘e sunà!
»
- Blog di Antonio Cristoforo Rendola
- 1257 letture
le nostre pubblicazioni 
