Sostieni anche tu il nostro sito
Scritto da © Antonio Cristof... - Mer, 12/06/2013 - 07:11
Te veco ogni tanto ca trase
dint’’a ‘nu magazzino a via Tuleto.
Aspetto e po’ veco ca ghiesce
tutta cuntenta cu’ ‘na busta ‘ mmane.
Me penzo ca, forse, nu vase
te da qualcuno che te vene arrete,
e allora ‘na lacrema m’esce
‘a dint’’all’uocchie chianu, chiane, chiane.
Chi sa po’ che de’ chillu pacche
che quande trase tu nun puorte appriesse?
Nun sacce, nun sacce che desse
io pe’ sape’ chelle che sta ‘int’’o sacco!
Nu iuorne me stette appustate
e me dicette:- L’aggia fa fernuta!
Le donghe ddoie, tre curtellate!
Fronn’’e limone e frunnell’aruta!-
E appena c’ascette essa fore,
tutta cuntente cu’ ‘na busta ‘mmane,
mi feci più assai risoluto
e ‘o passe le sbarraie tutto allibite.
Lei ferma! Batteva ‘stu core!
Nun ‘a vuleva fa arrivà a dimane.
Cacciaie nu bellu tessuto:
-Te sto cusenne ‘nu bellu vestite…-
»
- Blog di Antonio Cristoforo Rendola
- 374 letture
le nostre pubblicazioni 
