Sostieni anche tu il nostro sito
Scritto da © Antonio Cristof... - Ven, 07/06/2013 - 04:57
Quante sere, a Primmavera,
pe’ me sta sott’’o balcone
‘e ‘na nenna c’’a guaglione
me faceva spantechià;
quante sere aggio sustato
sott’’a luce ‘e ‘nu lampione
pe’ vederme finalmente,
pe’ vederme ‘a soia appiccià!
E ‘nn’appena s’appicciava
lesto lesto me muvevo,
‘a guagliona s’affacciava,
e ‘nu vierze lle facevo:
-Dimme, dimme, me vuo bene?
M’’o vvuo di, non m’’o vuoi dì?
Nun ‘o vvì ca io sto ‘int’’e ppene?
Dimme chelle ca vogl’ì!-
Ma ‘a luntano, quase ‘ncielo,
simbè fosse ‘o primmo piano,
‘a guaglion nun senteva
o pareva ‘e nun sentì.
Chianu chiane, tristemente
rifacevo ‘n’ata vota
Chella via che puntualmente,
gira, gira e avota, avota,
me purtcva sempe llà.
»
- Blog di Antonio Cristoforo Rendola
- 491 letture
le nostre pubblicazioni 
