Capodanno 2033 - auguri e figli maschi -

 
 
Personaggi
 
L’infermiera
Gennarino Buonanno
Assunta Malaspina
 
 
Sala d’attesa del reparto di ginecologia di una moderna clinica.
Napoli tempo futuro.
 
 
L’opera è stata liberamente ispirata da “Mutatis mutandis” di un tal Kempton – inglese –.
 
All’alzarsi del sipario la scena è vuota. Su un mobiletto bianco porta medicinali c’è una radio accesa che trasmette musica.
Di lato, su un portavivande, ci sono delle coppe di cristallo. Divano, poltroncine, sedie sparse con gusto.
 
RADIO: “Interrompiamo il programma musicale per annunciare che mancano pochi secondi alla mezzanotte e con il sole che va tramontando, va via anche l’anno vecchio. Meno dieci … nove … otto … sette … sei … cinque … quattro … tre … due … uno … zero! E’ il 2033! Felice anno! Riprendiamo il programma musicale rinnovandovi i nostri più fervidi auguri di prosperità e prolificità …”.
 
Dall’esterno si odono provenire botti di vari di fuochi d’artificio.
Seguita da Gennarino, entra una bella infermiera con una spumante bottiglia di champagne già aperta.
 
INFERMIERA       I bicchieri sono qua. Venga signor …
GENNARINO       Buonanno.
INFERMIERA       Grazie. Altrettanto.
GENNARINO       No. Buonanno è il mio cognome …
INFERMIERA       Ah, è un bel cognome, complimenti!
GENNARINO       Non è merito mio; me lo ha dato papà …
INFERMIERA       Ah, si?
GENNARINO       Si, fino dalla nascita …
INFERMIERA       (Riempie due coppe di champagne). Adesso facciamo un bel brindisi.
GENNARINO       Beh, ci sta poco da brindare …
INFERMIERA       Su, su ,non si abbatta. Il suo caso non è l’unica s? ormai ce ne sono tanti. Cin, cin …
GENNARINO       Cin, cin … (prima di bere) Ma dico io, è vero che ce ne sono tanti, ma proprio a noi doveva capitare.
INFERMIERA       Poteva capitare ad altri, invece e capitato a voi. Cin, cin … pesciolini rossi ormai sono estinti da tempo.
GENNARINO       E per forza! All’epoca ognune vuleve ‘o pesciolino rosso, ‘o metteva dint’’a sferetta ‘e vetro e là ‘o faceve sta’. Nisciuno capeva ch’era magnà coccose ‘o puveriello … Che dè, campava d’acqua? Nessuno capiva che teneva bisogno di respirare e che quindi l’acqua doveva essere cambiata spesso, una semmana si e no. Però sono originali queste vostre degenti: invece ‘e fa cucito, ricamo o lavoretti del genere, se so’ mmise a fa giardini rocciosi con vasche e ninfee. Devono essere degenti abili queste. E da quanto è degente ‘sta gente?
INFERMIERA       Ah, come lei sa, in questa clinica si soggiorna pochissimo. Il nostro motto è: “Due giorni e via! Vivi o morti!” E’ sorprendente vedere quello che riescono a fare le nostre degenti, sa?
GENNARINO       Mia moglie? Pure lei ha fatto qualcosa?
INFERMIERA       Qualcosa? Diamine è riuscita nientemeno a fare un bambino! Le pare poco di questi tempi? Mica è cosa di tutti i giorni. E che bel bambino sorprendente poi! E’ vero ce ne sono degli altri, ma il suo … L’ha visto no?
GENNARINO       Eh! ‘O mio … è diverso per carità! Ci vuole tempo per venire mia moglie?
INFERMIERA       Non sia impaziente, ha partorito mezz’ora fa, le dia il tempo di riprendersi. Si è appena aizata e si sta facendo bella per lei.
 
Suona un campanello.
 
INFERMIERA       Suonano il campanello, è per me, sempre per me. Iio vado. Mi raccomando le dia la notizia con dolcezza.
GENNARINO       Io?
INFERMIERA       E chi se no? Lei è il marito. Chi meglio di lei lpuò farle accettare il bambino?
GENNARINO       Ma, mia moglie è ora una madre …
INFERMIERA       E lei ora è un padre. Combinazione ideale. Solo lei può farle accettare il bambino che le ha dato. Buon anno.
GENNARINO       Dite …
INFERMIERA       Niente. Dicevo buo anno 2033.
GENNARINO       Ah, si! Tanti auguri e buone feste.
 
L’infermiera esce.
 
GENNARINO       (pensieroso, fra sé) E già … io mo’ songhe ‘nu pate. (guarda fuori) E’ passate ‘a mezzanotte e ‘o sole ancora nun è calato. Tu vide comme se songhe allungate ‘e ghiurnate!
 
Sulla soglia compare una donna in vestaglia e camicia da notte. E’ Assunta, la moglie di Gennarino.
 
ASSUNTA             Gennarì …
GENNARINO       Assù …
ASSUNTA             Gennarì …
GENNARINO       Assù …
ASSUNTA             Assù…
GENNARINO       Gennarì … Buon anno …
ASSUNTA             Malaspina …
GENNARINO       No, dicevo, felice anno …
ASSUNTA             Ah, si, pure a te. Pecché te ne sì ghiute mentre parturevo? Nun me lassa’ ‘nata vota Gennarì!
GENNARINO       Ma è stato ‘nu mumento …
ASSUNTA             So’ stata pe’ murì ‘o ssaie?
GENNARINO       Eh, due giorni e via! M’avevano ditto can un steva pericolo.
ASSUNTA             Stavo per morire per l’attesa. Aspettà accussì, dint’’a chillo liette ianche e pezzerillo. Tu ‘o ssaie, era ‘a primma vota …
GENNARINO       E’ overo! Tu nun sì abituvata dint’’e liette pezzerille. Che d’è? Nun putive stennere ‘e piede?
ASSUNTA             Ma qua’ piede? Vuleve dicere ch’era ‘a primma vota che parturevo!
GENNARINO       Ah, ecco! No, io me penzavo ca tu te riferive a ‘o liette pezzerillo. Però te prumetteca si pe’ miracule parturisse ‘nata vota, te faccio figlià dint’’a nu liette matrimoniale.
ASSUNTA             E che puteo fa’? Aspettà e guardà ‘stu tramonte verde e arancio … Gennarì, ‘na vota ‘e tramonte venevene cchiù ambresse e eano russe … Pecché mo’ venene accussì tarde e songhe verde e arancio?
GENNARINO       E che sacce? Sono tramontati quei tramont! ‘E scenziate dicene ca è pe bbie do’ fatte ca ‘a terra s’è troppo appesantita e po’ schermo protettivo che è state fatte a ‘o posto ‘e l’ozono naturale. E’ cchiù nun sacce … Nun me songo applitato.
ASSUNTA             Ma che de’, né?
GENNARINO       Che d’e’, nè?
ASSUNTA             Te tremma ‘o naso.
GENNARINO       ‘O naso? (porta una mano al naso) No.
ASSUNTA             Comme no? Te tremma pure ‘o msso. Me pare ‘nu cuniglio, me pare!
GENNARINO       Sarà ‘nu tic.
ASSUNTA             Gennarì, io te canosche buone a te. Quando te se ‘nfocano ‘e rrecchie vo’ dicere ca stie eccitate; quande sturzille ll’uocchie syaie ‘ncazzato e quanno te tremme ‘o naso vo dicere ca staie preoccupato.
GENNARINO       E pecché avessa sta preoccupato? ‘A proposito … aggio viste ‘a criatura …
ASSUNTA             ‘O vè? Io no ancora. Comme sta? Nun sacce manche si è ommo o femmena.e’ ommo è ove’?
GENNARINO       E’ … un neonato.
ASSUNTA             Ommo?
GENNARINO       Ommo? Maschio!
ASSUNTA             Nu maschi comm’’a te?
GENNARINO       Eh, più o meno …
ASSUNTA             Gesù, è maschio e nun m’hanne ditto niente?
GENNARINO       Assù …
ASSUNTA             Gennarì …
GENNARINO       Gennarì …
ASSUNTA             Assù …
GENNARINO       Dunque, io te premetto subito ca, comunque sia, m’è figlio e ‘o voglio bene.
ASSUNTA             E’ naturale! Pur’io ‘o voglio bene.
GENNARINO       Appunto! C’è figlio, che buo fa’!
ASSUNTA             Te sumiglia, te sumiglia?
GENNARNO        Me sumiglia? Oddio, qualche cosa ‘e me ‘o ttene, ma si avessa dicere ca me sumiglia … No, nun me sumiglia!
ASSUNTA             Suone, chiamma l’infermiera ca ‘o voglio vede’.
GENNARINO       Mo? Ma tu ancora t’he ‘a repiglià … No … è meglio can un ‘o vide subbeto. E’ meglio ca ‘o vide a poco ‘a vota.
ASSUNTA             Ma che de’ né?
GENNARINO       … Nun è troppo bello ‘stu criature, Assù …
ASSUNTA             Vuo’ dicere ca è brutto?
GENNARINO       Voglio dicere can un è bello, ecco!
ASSUNAT             Ma allora te sumiglia?
GENNARINO       No. Certe nun sarà belle, però, comme se dice? Ogni scarrafone …
ASSUNTA             … E’ bello p’’a mamma soia!
GENNARINO       Fa tenerezza.
ASSUNTA             Si?
GENNARINO       Si. He ‘a vede’ quande ride! Ride, Assù … ah, ah, ah.
ASSUNTA             Ah, ah, ah …
GENNARINO       Caccia … ah, ah …
ASSUNTA             Ah, ah … che caccia?
GENNARINO       Ah, ah … caccia ‘a fora … ah, ah … cierti             diente … ah, ah … ca fanno ‘mbressione!
ASSUNTA             Ah, ah … (realizza e smette di ridere). Cierti diente?
GENNARINO       … Canini!
ASSUNTA             Canini? Ma ‘e ccriature appena nate nun ‘e ttenene ‘e diente ‘mmocca!
GENNARINO       ‘O nuoste ‘e ttene.
ASSUNTA             Ma nun è normale! E’ cheste che staie cercanno ‘e dicere? Ca ‘o criature nuoste nun è normale?
GENNARINO       No … Nun è can un è normale … E’ poco comune, ecco.
ASSUNTA             Allora tenimme ‘nu masculille poco comune! Tenimmo ‘a criature cchiù poco comune do’ munno e io ‘o voglio bene.
GENNARINO       So’ cuntento.
ASSUNTA             Chiamma l’infermiera t’aggio ditto. ‘O voglio vedè subbeto!
GENNARINO       E nun ghi ‘e pressa! Iio sono il padre e te ne voglio parlare … con dolcezza …
ASSUNTA             Ma che stai dicenne?
GENNARINO       Sto dicenne ca songhr ‘ pate!
ASSUNTA             E si. Sì ‘o pate …
GENARINO          … E te ne devo parlare con dolcezza. Chi meglio di me può farti accett… può farti …
ASSUNTA             Ma che m’he ‘a dicere?
GENNARINO       Assù …
ASSUNTA             Gennarì …
GENNARINO       Questo bambino è …
ASSUNTA             E’…?
GENNARINO       E’ … vispo!
ASSUNTA             Ha pigliato do’ nonno!
GENNARINO       E’ sviluppato
ASSUNTA             ‘A pigliate ‘a frateme!          
GENNARINO       Tene ‘nu sacche ‘e capille …
ASSUNTA             ‘A pigliate ‘a sorema!
GENNARINO       … Verdi.
ASSUNTA             … ‘A pigliate … Capille verde? Gennarì ‘o ssaie can un sapevo ca ire daltonico? Jamme, ‘e che culore songhe e capille mie?
GENNARINO       So’ biondi …
ASSUNTA             E ‘a vestaglia ‘e che culore è?
GENNARINO       Rosa …
ASSUNTA             E ‘sti pantofole?
GENNARINO       Nere …
ASSUNTA             Ma allora tu nun sì daltonico?      
GENNARINO       No.
ASSUNTA             E pecché he ditte ca ‘o criature tene ‘e capille verdi?
GENNARINO       Pecché ‘e ttene.         
ASSUNTA             Ma … è … poco comune …
GENNARINO       E già …
ASSUNTA             Cocchedune ha tenute ‘e capille verde dint’’a famiglia toia?
GENNARINO       Nisciune.
ASSUNTA             E manche ‘int’a mia. Mammeta però se pittava e capille russe.
GENNARINO       E che centra?
ASSUNTA             Saie che te dico, Gennarì? So’ verde? E so belle ‘o stesso! Tenimme ‘nu figlio ch’’e capille verde e pure ‘e figlie suoie e tenarranne verde … e pure ‘e figlie de’ figli suoie. Ce pienze? Tutte ‘e nepute nuoste ch’’e capille verde.
GENNARINO       E’ ecologico …
ASSUNTA             Centenare ‘e criature ch’’e capille verde e tutti sapranno che sono di discendenza nostra. “Tu tiene i capelli verdi? Allora discendi da Buonanno Gennaro e Malaspina Assunta!”.
GENNARINO       Cheste s’ha da vede’!
ASSUNTA             Che s’ha da vede’?
GENNARINO       S’ha da vede’ si ‘e capille rimaneno verde. Vide, Assù … le caratteristiche fisiche della nostra creatura possono cambiare. E’ ‘nu mutante.
ASSUNTA             ‘Nu mutande?
GENNARINO       Mutante. Dal verbo mutare che vo’ dicere cambiare. Mo’ è de’ ‘na manera, po’ criscenne, fra qualche giorno, chi sa …
ASSUNTA             Ma ‘e dutture c’hanne ditto?
GENNARINO       E c’hanna dicere? Assù, te l’ho datta con dolcezza la notizia del mutante.
ASSUNTA             Si, ma fosse meglio senza mutande. Mo’ però ‘o voglio vede’ … Tene ‘e capille verde? Embè nun me ‘mporta, pe’ me è bello ‘o stesso! Quanno sarà gruosso sarrà intelligente. Saparrà francese e inglese. Conosciarrà arte e scienze. Forse sarrà ‘nu capo-popolo … Ma mò è sule ‘a criatura mia e m’’a voglio tenere stretta a me.
GENNARINO       E’ assaie allegro, te l’aggie ditte? Ride sempe. Ma canusciute appena l’infermiera ‘nce ha presentate.
ASSUNTA             Si?
GENNARINO       Appena m’ha visto, m’ha stennute ‘e braccelle e quanno l’aggio aizzato’mbraccio m’afferate c’’a coda …
ASSUNTA             C’’a coda?
GENNARINO       (interdetto) Qua coda?
ASSUNTA             Tu hé ditto che t’afferrate c’’a coda …
GENNARINO       Aggio ditto coda?
ASSUNTA             Coda!
GENNARINO       M’è scappato!
ASSUNTA             Ma pecché, ‘a criatura tene ‘a coda?
GENNARINO       (annuisce) … Non te l’ho datacon dolcezza la notizia
? mannaggia a me ca parlo troppo! Si … tene … ‘a coda … Però s’ha da dicere can un è una ‘e chelli code brutte e spellacchiate, no. Qua ci troviamo di fronte a una bella coda, una coda prensile …
ASSUNTA             Gennarì, pecché ‘o figlio nuosto tene ‘a cosa?
GENNARINO       … Coda prensile, miche ‘na coda qualsiasi …
ASSUNTA             Io c’’o genetico cuncurdaie capille bionde, uocchie azzurre, faccia rotonda … Nun aggio parlato ‘e code. Aggio chieste ‘e capille bionde e l’aggio avute verde verde … Aggio chiesto ‘a faccia rotonda e aggio avuto ‘a coda … Nun sarrà state pecché avimme vulutte sparagnà ‘ncopp’’o prezzo?
GENNARINO       Sparagnà? E che sparagne avimme fatte? Quello che ci hanno chiesto … quasi ce lo abbiamo dato … Avesse pigliate a qualcuno da’ famiglia toia?
ASSUNTA             E che de’? Ca forza qualcune dint’’a famiglia mia ha tenute ‘a coda?
GENNARINO       Tenive ‘nu zio ca sapeve movere ‘e rrecchie, te ricuorde?
ASSUNTA             Comme, zio Nicola! Ma chille muveve ‘e rrecchie! Erano grosse grosse e pelose, ma sempre recchie erano.
GENNARINO       Io tenevo ‘nu cugino ca lassava sempe ‘a porta aperta quanne traseva, tant’è ca tutte quante dicevano: “Che de’, tiene ‘a coda?2 Ma era un modo di dire …
ASSUNTA             Gennarì, comme facimme cu’ nu figlio ca tene ‘a coda?
GENNARINO       Mo’ nun drammatizzamme però! … ‘Na coda po’ fa sempe comodo … Qua si tratta di una coda prensile… Io, per esempio, ca fatico dint’’a fabbrica di motori ad energia solare, ‘e vvote me trovo cu’ ‘na chiave inglese a ‘na mana, ‘nu giravite a ‘nata mana … e nun sacce comme piglià ‘o martielle … Tu ‘nce pienza si tenesse ‘a coda prensile? Capisce che vantaggio tenarrà ‘a criatura nosta?
ASSUNTA             … Potarrà piglià ‘o martielle c’’a coda … Ma pecchéc’è succiese, Gennarì? Eppure ci avevano garantiti …
GENNARINO       Pure chille ca te venne ‘o mellone te garantisce … po’ vaie ‘a vede’ è ghiesce ianche … E’ meglio che uno si fa sempre fare prima la prova …
ASSUNTA             Ce l’erema ‘mmagenà, l’avevema penzà …
GENNARINO       E che simme miedeche nuie? Io sacce faticà vicine ‘e muture …
ASSUNTA             (reagendo) E figliete sarrà comme a te! Venarrà cu te a faticà dint’’a fabbrica …
GENNARINO       (assecondando) Farà i propulsori solari con me …
ASSUNTA             Si …
GENNARINO       Costruirà gli impianti di assorbimento.
ASSUNTA             E che ce vo’? vuie nun ce mettite niente: quatte mane e ‘na coda …
GENNARINO       Ma è ‘na bella coda però. Guarde Assù, can un appenevide chella coda, tu rimarraie … rimarraie …
ASSUNTA             Nun ‘a voglio avvede! Comme rimarraggie? Comme rimane ‘na mamma quande vede ‘na criatura nata c’’a coda? No … no … (piange) Nun ‘a voglio avvede’ …
GENNARINO       E nun fa accussì mo’ … troveremo qualche rimedio … però in fondo, che d’è ‘na coda?
ASSUNTA             (cercando di contenersi) Ce sta qualche altra cosa che nun m’hé ditte?
GENNARINO       No.
ASSUNTA             Sicuro?
GENNARINO       Cioè, niente ca po’ une pozza dicere che ‘o nuoste nun è nu criature comme avessa essere … Ma po’, né Assuntì, chi simme nuie pe’ giudicà? Ca forse sta scritte a qualche parte che l’uomo ha da tenere ddoie braccie, ddoie cosce, e nun ha da tenere ‘na coda? Se proprio vogliamo ragionare in fondo nel bambino non ci sta niente di sbagliato. a noi può parere che tiene qualcosa di strano, ma non di sbagliato.
ASSUNTA             ‘A vocca?
GENNARINO       Rossa, comme ‘na cerasa!
 
ASSUNTA             ‘E recchie?
GENNARINO       Belle, piccerelle e rosa!
ASSUNTA             ‘O naso?
GENNARINO       A l’insù!
ASSUNTA             ‘0 …
GENNARINO       ‘O …?
ASSUNTA             ‘O!
GENNARINO       Ah, aggio capito! ‘O tene normale, anzi, più che normale.
ASSUNTA             Si?
GENNARINO       Si. Lo tiene molto più grande del normale.
ASSUNTA             Gennarì, tenesse ‘na coda arrete e ‘n’ata annante?
GENNARINO       No, non ma è buon per lui che lo tiene più grande del normale, no?
ASSUNTA             E ll’uocchie?
GENNARINO       Marrò!
ASSUNTA             Ll’uocchie tuoie!
GENNARINO       Eh, uocchie vive, inteligente … tutte e tre.
ASSUNTA             Tutte e tre che cosa?
GENNARINO       Tutte e tre ll’uocchie!
ASSUNTA             Ma, pecché ‘nfronte nun tene dduie uocchie?
GENNARINO       Si, si …
ASSUNTA             Ah!
GENNARINO       … Dduie uocchie ‘nfronte … e ‘n ato arrete ‘a capa …
ASSUNTA             Madonna santa!
GENNARINO       Te l’ho data con dolcezza quest’altra notizia?
ASSUNTA             Gesù, tre uocchie?!
GENNARINO       Embè … nessuno è perfetto … Io per esempio nun tengo ‘na spalla cchiù scesa ‘e ll’ata? Nun se vede però ‘a tengo, guarda, fance case, guarda questa spalla qua come scende e guarda invece quest’altra … Fratete per esempio nun tene ‘e recchie a ventaglio? E se vede pure? … Dobbiamo … dobbiamo vedere pure il lato positivo della cosa … Tu ‘nce pienze che vantaggio tenarrà ‘stu guaglione? Potarrà vede’ annante e arrete. Po’ … chi st’uocchie ca tene arrete potrà pure essere cummigliato da ‘e capille …
ASSUNTA             … Verdi!
GENNARINO       Embè, verdi! ‘E capille s’’e po menà ‘nnante a chiull’uocchie …
ASSUNTA             C’’a coda!
GENNARINO       Eh, ‘a coda! E s’’annasconne ‘a coda!
ASSUNTA             E quanno se sposa che s’ha da spuglià annante ‘a mugliera?
GENNARINO       E quante se sposa … Comme se dice? Doppe de cunfiette se cunoscene ‘e difette.
ASSUNTA             T’arricuorde quante ietteme a lo vede’ dint’’a pruvetta? Quant’era bello!
GENNARINO       Bello … Però nun se vedeva niente …
ASSUNTA             Appunto! Allora era tutto normale … E quando poi dalla provetta lo passarono dentro di me e m’ accumminciava a crescere dint’’a panza …? Era verse ‘a fine ‘e ll’estate …
GENNARINO       I primi crisantemi erano in fiore …
ASSUNTA             ‘E rundinelle se chiammavene ll’une cu’ ll’ate …
GENNARINO       Chi sa che strani nomme tenene ‘e rundinelle …
ASSUNTA             … ‘E razze vulavano pe’ cielo …
GENNARINO       Ci stava qualcosa di nuovo all’ora nel cielo d’antico …
ASSUNTA             Allora me vulive bene. Ma mo che t’agge date ‘nu mutande …
GENNARINO       Mutante, Assù, con la “t”. embè e che cambia. Pecché nun so’ pate? Non è il mio stesso sangue? E’ parte ‘e me. Tene ll’uocchie do’ stesse culore dei miei.
ASSUNTA             Già, tutti e tre. Gennarì, ma che diciarranne ‘e vicine?
GENNARINO       E che ce ‘mporta de’ vicine?
ASSUNTA             Ma si chielle tenettere che dicere quande te mise ‘e cazettine viola, figurete mo’ ca ‘nce vedene ‘e tene’ ‘nu figlio ca tene ‘e capille verde, tre uocchie e a coda!
GENNARINO       La gente cerca sempre di evidenziare i difetti degli altri cercando di nascondere i propri. Avimme maie ditte niente c’’a figlia ‘e ll’avvocato tene cierte fruncule ‘ncopp’’e rrecchie ca fanno schifo? Avimme maie parlate e ll’uocchie stuorte do’ salumiere? E ‘o verdummaro ca quanno parla nun se capisce chello che dice? Assù io aggio dato la parola mia ca tu a ‘stu figlio l’avisse vulute bene.
ASSUNTA             Era meglio can un ‘a dive! Nun ‘o voglio Gennarì. Nun ‘o voglio! L’aggio perdute appena nato!
GENNARINO       Ma no!
ASSUNTA             Ma si!
GENNARINO       Ma si!
ASSUNTA             Ma no!
GENNARINO       Vedrai che in qualche modo …
ASSUNTA             E in che modo, né Gennarì? Si penzo a tutte e cpse che avimme fatto po’ fa nascere! ‘E ccose ca me piacevano nun m’’e puteve mangià, chelle che me facevano schifo invece me l’aveva mangià …
GENNARINO       Assù, steve penzanne … Siccome tu ‘sta criatura manche le viste .. e iio, si e no, me ceso’ trattenute dduie minute …
ASSUNTA             Embè?
GENNARINO       Embè, stiamo in un paese civile …
ASSUNTA             E cu’ cheste?
GENNARINO       Cu’ cheste … Visto che ci sta una legge che ci tutela e che prevede la … cancellazione degli errori di genetica …
ASSUNTA             Ma tu stisse danne ‘e nummere?
GENNARINO       No, sto cercanno ‘na soluzione.
ASSUNTA             E tu pe’ soluzione vulisse fa accidere ‘o criature?
GENNARINO       He1 Accidere, che parola! Cancellare l’errore, così come prevede la legge … è diverso!
ASSUNTA             No, no e no!
GENNARINO       Ma è legale … e non è la prima volta.
ASSUNTA             Sarà pure legale, ma se tratte sempe ‘e fa murì ‘na povera anema e Dio!
GENNARINO       Ma neanche se ne accorgiarrà.
ASSUNTA             Ma me ne accorgiarraggio io.
GENNARINO       E allora diamolo in adozione. La legge dice che gli errori di genetica possono essere dati in adozione a ospedali specializzati per la sperimentazione e la ricerca della genetica stessa. Basta fare una domanda entro sessanta giorni dalla nascita.
ASSUNTA             ‘A sperimentazione? E che le fanno?
GENNARINO       E che ne sacce? Ci studiano.
ASSUNTA             Sissanta iuorne?
GENNARINO       Sissanta.
ASSUNTA             E ci studiano?
GENNARINO       He.
ASSUNTA             Gennarì, io mo’ pigliasse, ma ‘a genta …
GENNARINO       Già, ‘a genta!
ASSUNTA             Nun è manche pe’ tre uocchie e p’’a coda …
GENNARINO       Ma no! E’ p’’a genta! … Allora è deciso, lo diamo in adozione. Faccio subbeto ‘a pratica.
ASSUNTA             E già, faie ‘a pratica. Tu hè ‘a fa ‘a pratica, ‘o pate.
GENNARINO       E tu si ‘a mamma …
ASSUNTA             ‘Nce parlavo quante ‘o teneve dint’’a mme. ‘o ssaie. ‘nce dicevo : “Sono sicura che quando sarai grande, sarai un fenomeno!” . Ogni tanto me sentevo ‘e pognere …
GENNARINO       Era ‘a coda!
ASSUNTA             Po’’nce dicevo ca tu sì ‘n’ommo onesto e faticatore.
GENNARINO       Grazie.
ASSUNTA             … Ca io songo ‘na femmena seria e defele.
GENNARINO       Si
ASSUNTA             … Ca isse avesse avute ddui santi genitori …
GENNARINO       .. E dimme ‘na cosa, te rispunneva già?
ASSUNTA             Me rispunneva?
GENNARINO       Ma pecché, allora ancora nun parlava?
ASSUNTA             Ma pecché, mo’ parla?
 
Dall’esterno si sente una voce alta e grossa …       
VOCE                    ‘Oi maaaaaaaaaaaaaaa!
GENNARINO       Assù …
ASSUNTA             Gennarì …
GENNARINO       Assù …
ASSUNTA             Gennarì …
GENNARINO       Gennarì …
ASSUNTA             Assù …
 
Tenendosi per mano l’uno con l’altra, visibilmente preoccupati.