Scritto da © nino vicidomini - Sab, 21/02/2015 - 14:07
So’ passate tant’anne, na vita!..
Ogni cosa è na cosa diversa
e mo tutto è cagnato pe’ nuje.
Nuje nun simme cchiù chille ’e na vota;
nun tenimmo cchiù forza e salute
pe’ ce mettere nfaccio a sagliuta
c’ ’a jurnata ce vo’ fa’ affruntà’.
Hammo fatto na vita ’e battaglie
e na vita ’e battaglie cunsuma.
Senza ’a forza pe’ vencere ancora,
ântrasatto, putimmo cadè’!..
E fernésce… fernésce ogni cosa.
Accussì, tra nu ditto e nu fatto,
senza manco ca tu te n’adduone
trase chella signora d’ ’a porta
nzerra ’o libbro, te dà ’o bonsuarè
e fernésce… fernésce pe’ te!..
So’ passate tant’anne, na vita!..
Ogni cosa è na cosa diversa
e mo tutto è cagnato pe’ nuje.
Nuje nun simme cchiù chille ’e na vota;
nun tenimmo cchiù forza e salute
pe’ ce mettere nfaccio a sagliuta
c’ ’a jurnata ce vo’ fa’ affruntà’.
Hammo fatto na vita ’e battaglie
e na vita ’e battaglie cunsuma.
Senza ’a forza pe’ vencere ancora,
ântrasatto, putimmo cadè’!..
E fernésce… fernésce ogni cosa.
Accussì, tra nu ditto e nu fatto,
senza manco ca tu te n’adduone
trase chella signora d’ ’a porta
nzerra ’o libbro, te dà ’o bonsuarè
e fernésce… fernésce pe’ te!..
»
- Blog di nino vicidomini
- 678 letture