Scritto da © Giovi55 - Sab, 15/04/2017 - 12:00
Vulesse turna’ a essere 'na bammina
pe pazzia' acchiapparella dinto'ô ciardino.
'Na vita spensierata fatta 'e tanta tenerezza,
cocche lacremmella, però senz'amarezza.
Vaseme e mmanelle comme fosse 'na marunnella.
Vuocheme comme a 'na criatura dinto 'a cunnulella.
Piglieme 'mbraccia quanno stongo 'nseriosa.
Vieneme a cunsula’ pecchè stò capricciosa.
Puorteme bambole, pazzielle e caramelle:
mme voglio delizia’ miezo a ninnule e pastarelle.
'Nun pozzo pazzia’ cchiù pecchè so’ grussicella?
Ma quanto vulesse essere ancora 'na nennella!
Giovanna Balsamo
»
- Blog di Giovi55
- 1834 letture