Sostieni anche tu il nostro sito
Scritto da © Antonio Cristof... - Lun, 01/07/2013 - 03:30
Vene l’Estate
e mò te cade nzino
cchiù lento e doce
‘n atu raggio ‘e sole.
L’ariette é fresca
dint’a lu ciardino
c’addore ‘e rosa
e c’addore ‘e viole.
E d ‘at’ Estate
io me n’allicordo,(1)
quando parlaveme
c’’a luna a tarde ore.
Tu me dicive,
no nun m ne scorde:
-Te voglio bene, Antò,
Tu sì ll’ammore-
Ero ammore, bella cosa,
simbè fosse io puveriello,
giuvinotto prufessore,
ero ‘o figlio ‘e donna Rosa.
Nun teneve ciente lire
manche si me rigirave,
ma tu me vulive bene
e tutte cheste nun ‘mpurtava
Ma tu
me vulive bene
e tut’’o riesto
‘nce azzeccava.
Mò che pe’ sempe
passata è ‘a giuventù
mò ca è fernuta, so rimaste
solo ddoie foto stinte
addò stai felice tu.
Nota
1) Di altre Estati io mi ricordo
»
- Blog di Antonio Cristoforo Rendola
- 1270 letture
le nostre pubblicazioni 
