'O male tiempo

E pure ‘o chiovere

pareva  chiagnere

quando distratta

tu fuste ‘a me.

 

Pareva dicere

pe’ mmiezz’’e nuvole:

-Lassalo perdere,

nun è pe’ te!-

 

 

Doppo ca, schiuoppeto,

nascette ‘o lucere

d’oro e d’argiento

tutto pittato,

sentette ‘o cantico

pe’ dint’’all’albere

‘e ‘n’ata femmena.

Restaie ‘ncantate!

 

 

Allora ‘o cchiovere

turnaie a scennere,

sparette ‘o lucere,

sparette argiente.

Gesù che nuvole!

Vide che guoccele!

Sarranne ‘e femmene

‘stu maletiempo!