Sostieni anche tu il nostro sito
Scritto da © live4free - Lun, 14/05/2012 - 11:06
Era nu juorno ‘e primmavera, ‘o primmo; e chi s’o scorda.
Je m’astipavo dinto ‘a sacca ‘e parole cchiù sfiziose
pe t’e purtà a te;
chelle ridevano,
e te pazziavano attuorno comme criature dinto a nu ciardino.
M’arrubbavo annascuso ‘e raggi cchiù carnali ‘e chisto sole mio
pe te donà nu poco ‘e luce miezzo a chella nebbia scura.
Chillu juorno te purtai ‘na fravulella, piccerella piccerella
e te guardai,
ma tu nun me vedive già…tu chiagnive; nun à tenive a capa pe pazzià..
E dinto a nu mumento fernette ‘o sole, ‘e fravule e ‘e pazzielle.
E mò nun tengo manco ‘a voglia cchiù ‘e cantà.
Me so rimaste sule ‘e lacrime vullenti,
l’uocchie l’aggio rimasti dinto i tuoi,
mentre tu chiagne e nun me guardi cchiù.
On the air: Passione - nella migliore versione di Consiglia Licciardi-
»
- Blog di live4free
- 1265 letture
le nostre pubblicazioni 
