Scritto da © live4free - Ven, 14/05/2010 - 13:35
Camminavo pè ‘na via che nun era manco a mia
m’ero persa, sò sicura, tutto a nu tratto ‘nnanze me truvaje nu muro.
Me fermaje, attuorno me vuardaje
p’a disperazione l’uocchie ‘ncielo aizzaje
e che m’è succiess! Vuie nun putite manco immaginà!
…’na scarda ‘e stella me carette ‘nzino… a me!
J’ steve chiena ‘e paura…che aveva fa?
Ma manco pè nu secondo pensaje che me putevo abbrucià!
D’istinto aizzaje ‘e braccia e m’a strignette ‘mpiette,
chiurette l’uocchie e pe chill’abbraccio
j’ ‘lle dicette tutto cosa…le detti tutto chelle che le potevo dà…
Mò…si v’o dico vuie nun ce cridete…
N’anno è passato… e chella sta ancora ccà!
Vuie m’o sapite dicere mò, una comme me
che ce po’ fa pe ‘na cosa accussì bella…
‘nu splendore che nun s’è visto mai?!
…’na stella…vuie capite?!
E dice pure che nun se move ‘a ‘ccà, che vicino a me vò stà!
Ma io che pozzo fa, se me piglio paura pure d’a tuccà!
…che si chella si spaventa e se ne fuje…
io me ne moro…comme campo cchiù?!
E allora ‘a tengo ‘ccà…
Le dico ‘e parole ‘cchiù dòce che me detta ‘o core
...'a guardo...e me 'nnamore...
...'a guardo...e me 'nnamore...
»
- Blog di live4free
- Login o registrati per inviare commenti
- 1349 letture