Scritto da © Giovi55 - Dom, 11/12/2016 - 13:02
Spesso si guarda in un'unica direzione e si trascurano i "dettagli".
Se si guardasse con altri occhi, sarebbe tutto più visibile...
G. B.
Se si guardasse con altri occhi, sarebbe tutto più visibile...
G. B.
Senza vista 'e ll'uocchie
'Nfunno a 'na strada, vicino a 'na scalella,
'na bella vicchiarella mustrava 'na spasella.
"Venite", essa alluccava. "Ce stà rrobba bella cca."
"Guardate dint'â sporta, venite a ccuriusa'."
"Pero', levate 'o panno, ca 'nun se vede buono."
"Pur'j'," dicette 'Ntuono, voglio veni' a guarda'!"
'A ggente curiusava, guardanno dint'â sporta. "
"Ma chesta che ce porta, che va' truvanno a cca?"
"Guardate", essa 'nsisteva, "guardate bella gente.
"Nun truvate propete niente, ca ve po' interessa'?"
'A folla attuorno 'a vecchia, addeventaje assaje.
Cchiù 'e ciento perzone: 'na crocchia se furmaje!
'Nu viecchio non vedente, levannese 'a lente,
guardaje dinto 'a spasella e po' alluccaje: "Che bello! "
"A quanto mm'ô vennite stu telo 'mprufumato.
Me sento stupediato. M'addimanne: "che sarra'?"
"Ma chisto è o cielo!", alluccaie ll'anziano,
aizanne avete 'e mmane e a gente a curiusa'...
'ntanto ca isso guardava e piscava dint'â sporta,
'a folla tutt'accorta, restava llà a aspetta'.
"E mò che sto' vedenne.", se 'ntusiasmaje 'o cecato.
"Ce stanne cierti ccose talmente delicate!"
"Sento felille morbide ca mme sciuliene p'ê mmane.
Ma s' hanna tucca' chiano. S'avessana scassa'?"
"Ma chisto è 'o prato!" "E' 'o prato", isso diceva.
...e tutta 'a folla :"chillo "e' 'o prato!", ripeteva.
"E' nu' tappeto morbido, cu' tanta ciurelline
mme pare 'e vede' 'ncoppa a ll'albere mille mandarine.
"Guardate, guardate ancora", ripeteva a vecchiarella:
'ntanto 'ncoppa a sporta se furmava 'a capannella.
"sento n'addore forte assaje. Ma che sarra' maje?"
"E' ssapore 'e mare. "Je veco e marinaje",
ripeteva Marittiello."Maronna e comm'e' bello!"
"Maronna e comm'e' bello..!"; ripeteva strallunata,
na' folla 'e ggente, ca steva llà accalcata.
"Ma vuje vennite cose ca' nuje temimme già."
"Ambressa. Diciteme." "Qual è sta nuvita'?"
"Vuje riuscite a vede' sulo chello ca vve pare!"
Dicette 'o non vedente, danno 'nu sguardo 'o mare...
"Je me servo d'ô naso e mme mmagino 'a bellezza:
po' sento dint'ê capille 'o viento ca mm'accarezza."
"Cu 'e rrecchie me n'addono quanno vene 'a tempesta:
'a sento quanno tutta 'ncazzosa trase p'â fenesta."
"Nun sapenno quanno è scuro, me 'mmagino e culure:
pitto senza 'a vista 'e ll'uocchie 'e frutte d'â natura."
"Naso, recchie e pelle, mme so' cumpagne 'e viaggio."
"Quanta cose bbelle, cu chesti mmane assaggio."
"Se vedite sulo cu ll'uocchie, coccosa v'ô pperdite."
"Guardate pure c'â faccia e serviteve e ll'udito."
"mpietto tengo 'nu core, ca sbatte a tutte ll'ore."
"Votte tantu 'e chillu calore, ca mme sape scarfa'."
'A folla 'e ggente, po' s'entusiasmaje assaje:
p'ê mmane se pigliaje e a ridere e a pazzia'.
Cadettero pe terra, scrullannese 'a tristezza.
Quanta vase e carezze s'accumminciajene a dda'.
Cu 'o sole ca 'e scarfava e 'o viento ca 'e ccarezzava,
senza vista 'e ll'uocchie, accumminciajene a guarda'.
Giovanna Balsamo
'na bella vicchiarella mustrava 'na spasella.
"Venite", essa alluccava. "Ce stà rrobba bella cca."
"Guardate dint'â sporta, venite a ccuriusa'."
"Pero', levate 'o panno, ca 'nun se vede buono."
"Pur'j'," dicette 'Ntuono, voglio veni' a guarda'!"
'A ggente curiusava, guardanno dint'â sporta. "
"Ma chesta che ce porta, che va' truvanno a cca?"
"Guardate", essa 'nsisteva, "guardate bella gente.
"Nun truvate propete niente, ca ve po' interessa'?"
'A folla attuorno 'a vecchia, addeventaje assaje.
Cchiù 'e ciento perzone: 'na crocchia se furmaje!
'Nu viecchio non vedente, levannese 'a lente,
guardaje dinto 'a spasella e po' alluccaje: "Che bello! "
"A quanto mm'ô vennite stu telo 'mprufumato.
Me sento stupediato. M'addimanne: "che sarra'?"
"Ma chisto è o cielo!", alluccaie ll'anziano,
aizanne avete 'e mmane e a gente a curiusa'...
'ntanto ca isso guardava e piscava dint'â sporta,
'a folla tutt'accorta, restava llà a aspetta'.
"E mò che sto' vedenne.", se 'ntusiasmaje 'o cecato.
"Ce stanne cierti ccose talmente delicate!"
"Sento felille morbide ca mme sciuliene p'ê mmane.
Ma s' hanna tucca' chiano. S'avessana scassa'?"
"Ma chisto è 'o prato!" "E' 'o prato", isso diceva.
...e tutta 'a folla :"chillo "e' 'o prato!", ripeteva.
"E' nu' tappeto morbido, cu' tanta ciurelline
mme pare 'e vede' 'ncoppa a ll'albere mille mandarine.
"Guardate, guardate ancora", ripeteva a vecchiarella:
'ntanto 'ncoppa a sporta se furmava 'a capannella.
"sento n'addore forte assaje. Ma che sarra' maje?"
"E' ssapore 'e mare. "Je veco e marinaje",
ripeteva Marittiello."Maronna e comm'e' bello!"
"Maronna e comm'e' bello..!"; ripeteva strallunata,
na' folla 'e ggente, ca steva llà accalcata.
"Ma vuje vennite cose ca' nuje temimme già."
"Ambressa. Diciteme." "Qual è sta nuvita'?"
"Vuje riuscite a vede' sulo chello ca vve pare!"
Dicette 'o non vedente, danno 'nu sguardo 'o mare...
"Je me servo d'ô naso e mme mmagino 'a bellezza:
po' sento dint'ê capille 'o viento ca mm'accarezza."
"Cu 'e rrecchie me n'addono quanno vene 'a tempesta:
'a sento quanno tutta 'ncazzosa trase p'â fenesta."
"Nun sapenno quanno è scuro, me 'mmagino e culure:
pitto senza 'a vista 'e ll'uocchie 'e frutte d'â natura."
"Naso, recchie e pelle, mme so' cumpagne 'e viaggio."
"Quanta cose bbelle, cu chesti mmane assaggio."
"Se vedite sulo cu ll'uocchie, coccosa v'ô pperdite."
"Guardate pure c'â faccia e serviteve e ll'udito."
"mpietto tengo 'nu core, ca sbatte a tutte ll'ore."
"Votte tantu 'e chillu calore, ca mme sape scarfa'."
'A folla 'e ggente, po' s'entusiasmaje assaje:
p'ê mmane se pigliaje e a ridere e a pazzia'.
Cadettero pe terra, scrullannese 'a tristezza.
Quanta vase e carezze s'accumminciajene a dda'.
Cu 'o sole ca 'e scarfava e 'o viento ca 'e ccarezzava,
senza vista 'e ll'uocchie, accumminciajene a guarda'.
Giovanna Balsamo
»
- Blog di Giovi55
- 1509 letture