Sostieni anche tu il nostro sito
Scritto da © Antonio Cristof... - Gio, 18/04/2013 - 04:58
Me torna a mente ‘na cumpagna mia
(Dolce ricordo di una ragazzina) - da "'O cielo a cupertelle -
Quande se cala ‘a sera è ‘na tristezza,
cu’ ll’ombre che s’avvenciano c’’a lucia,
cu’ voce che se sentene ‘a luntane.
E allora sulitario e malinconico pur’io me resto
comme scurdato dint’a n’angulillo
a penzà chelle che puteve essere e nun è stato.
E tanto ‘a qualche parte 'a ‘int’’o penziere
esce da nebbia ‘na cumpagna mia,
‘na guagliuncella bianca e biundulella
che, forse no oppure forse si,
sarà stata pe’ me ‘o primmo ammore.
Quando spuntave ‘a luna ‘ncopp’’a loggia,
addò io stevo ‘int’’a ‘na stanza sola,
tutto lu bello addiventava brutto,
le ombre me parevano assassini
che pare me vulesserò scannà.
E stritte, stritte, stritte a essa io me ne stevo
e po’ cchiù assaie ancora m’astrignevo
e chella bocca ‘e rosa le baciavo
E allora ‘na vucella me diceva:
-Te voglio bene Antò, fi a che nun more…-
E morta sì, cumpagnia mia antica!
Perla ‘e penziere che nun tuorne cchiù,
stretta stive cu me sott’alla luna,
e mo cchiù stretta staie cu’ Gesù…
»
- Blog di Antonio Cristoforo Rendola
- 1322 letture
le nostre pubblicazioni 
