Sostieni anche tu il nostro sito
Scritto da © Antonio Cristof... - Dom, 07/04/2013 - 05:28
Elisa – dalla mia raccolta “’O cielo a cupertelle”
E mò, accussì,
comme ‘na fulata ‘e viento improvviso,
me torna a mente chesta nonna Elisa.
E no che nun l’avesse mai pensata!
Quanta vote dint’’o suonno,
cu chella granda meraviglia che nce se fa
quande se sonnano ‘e muorte,
l’aggie vista?
Sempre zitta, sempre sulitaria.
E sempre ‘na pietà m’attanagliato!
E sempre dint’’o suonno aggie chiagnute!
E dint’’o suonno sempre aggio chiammato:
-Elì….Elì…- e maie m’ha rispunnute!
Elisa,
‘stu nomme è ‘nu “rusario”, ‘na preghiera
che dint’’o core mio mai nun se stracqua.
Io m’allicordo ‘e te vestuta nera,
c’’a curona viola strenta ‘mmane,
e ‘o breviario ‘e sante ‘nfruciuto e madunnelle.
‘A vocca toia, pallida rosa,
che appena sussurrava “Ave Maria”,
diceva sulo cose bone e belle
che mò ‘nzerrate yengo ‘int’’o pensiero,
pe’ sempre, cara nonna Elisa mia…
»
- Blog di Antonio Cristoforo Rendola
- 1384 letture
le nostre pubblicazioni 
