Sostieni anche tu il nostro sito
Scritto da © Antonio Cristof... - Mer, 03/04/2013 - 04:48
Poesia tratta dalla mia raccolta in vernacolo "'O cielo a cupertelle"
Ddoie ove se truvaiene ‘int’’a tiella.(1)
Uno dicette a ‘n ato:- Che facimme?-
-Cumpà che ‘nfama ciorta! (2)Vì che jella!-
Ll’ato dicette . Cumpà nuie ccà friimme!-(3)
Se stette nu mumento, po’ ‘o primmo fa:
-Nun ce sta scampo .– dicette – Ll’ora è sunata,
e quando sona comme vuo’ scampà?
Meglio accussì che po fernì a frittata.
Fino alla fine tutt’ e dduie intere,
cu’ dignità. Senz’essere sbattute…-
-Si, chelle ca tu dice pure è overe,
ma sempe ‘int’’a tiella imme fernute!-(4)
-E che vuo fa? Che spece ca te faie?
Che forse chi ce coce nun fa ‘o stesso?
Mò coce a nuie, po’ vide caso maie
Che comme a nuie farà na fina ‘e fesso!-
(1) Padella
(2) Sorte
(3) friggiamo
(4) Siamo finiti
»
- Blog di Antonio Cristoforo Rendola
- 1313 letture
le nostre pubblicazioni 
