Ad un antico amico

 

E mò? Amico mio, mò addò staie?

Addò campe? E che faie?

E l’esistenza toia è amara o doce?

Staie sule o accompagnato?

Stai libero o stai in croce?

E chiagne o si cuntente?

Ce sta chi te cunforta?

‘O ttiene o ‘ntiene niente?

 

Che bella aria serena

spirava p’’ati tiempe!

Che pazzarie sfrenate!

Che tuone dint’’all’anema!

Che lampe ‘int’’o penziere!

Pare che fosse aiere

che ce purtaime a Panema

sule cu na penzata!

 

‘N’attime e comme a furmine

vulaveme po' munno:

da Torre Orsaia a Orgosolo

da Trapani al Maloont

E via a fa gli artisti

Col “Drago” o “Testa e croce”

Scarpetta e Dario Fo.(1)

 

E’ ddoce ‘stu tramonto

senza nuvole ‘ncielo.

Cchiù ddoce è chesta sera

c’’o venticielle tiepido

d’inizio Primavera.

‘Nu venticielle ‘nzisto

che pare che se stracqua (2)

e invece s’arrevota.

Se stracqua e s’arrevota,

s’arrenne e s’alluntana,

po’ torne ‘n’ata vota

e m’accarezza ‘a mane.

 

(1) "Il drago"  di Schwartz - "Testa e croce" un mio testo tratto da due racconti di E.A. Poe. Facevamo teatro. Sono stato anche in compagnia con il grande Eduardo col quale al s.Ferdinando di Napoli ho fatto "Natale in casa Cupiello" ed al s. Carlo per l'Unicef "Napoli milionaria".

(2) Si riposa, si ferma.