Un saludo ala cità dei Dogi

Oggi el xe 'n giorno de festa par festeggiar la fondaxion de Venexia
se un giorno come 'n'altro, ma l’è stà ciapado e messo li parché
se godemo a stecca a darse un tono de braura
e magari ‘nar a farse un giro coi Siori su e so par le calli
a 'mbriagarse de 'na bela giornada anca se le un po frescheta.
Adeso i dise i saoni che gli albori ghe li emo avudi con i bizantini
Tanto che i Bizantini i le ciamava Venetici, che dal greco volea dir
“Degni de lode”  altro che  “nati da l’acqua” come i ne dise adeso
Anca i nostri vicini Comacchiesi che un tempo dominaino ala grande..
Stà  olta che non semo più dominadori i ne ciapa par i fondei ala Grande
Ostregheta – Se un toco che non faso festa anca mi e me piasaria farme un gireto
En gondoleta, par i canai dela cità, ma non te se quanto i te costa, de sti tempi
Che non semo più ai tempi del Doge,
 i taca a costar anca masa, e ala fine  andremo a balar in piassa
sempre che Mosè i le fasa Paron dele maree, così da non averghe più i cojoni bagnadi
come un tempo.
La storia a contarla la sarea masa longa, alora le mejo che me ferma qua, visto che go anca da andar, ma le importante par quel che ghe succeso fin adesso che la città la sa fato onor portandola fora abastansa ben da la strenua lota.. speremo anca en un futuro che el ghe daga autonomia, sodisfaxion, bele done e tanta tanta fortuna, parchè de poca non savemo proprio cosa farsene.