Fucarazzo 'e Sant'Antuóno | dialetto | nino vicidomini | Rosso Venexiano -Sito e blog per scrivere e pubblicare online poesie, racconti / condividere foto e grafica

Login/Registrati

Commenti

Sostieni il sito

iscrizioni
 
 

Nuovi Autori

  • Gloria Fiorani
  • Antonio Spagnuolo
  • Gianluca Ceccato
  • Mariagrazia
  • Domenico Puleo

Fucarazzo 'e Sant'Antuóno

Fucarazzo
                                         
 
È  pronto ’o cippo
cu’ ’a robba vecchia attuorno già ncugnàta;
’ncimma nu Sarchiapóne miso a bello parè’.
 
Na ròcchia ’e guagliunciélle
se spàrteno ’stu ffuóco
già primma d’ ’appiccià:
 
–  Chillu stipòne è ’o mio.  –
 
–’A tàvula cu’ ’e sseggie
l’aggio purtàte io.  –
 
Ognuno mósta ’o ssùje
e ne pretènne fuóco ’a se piglià.
 
O’ ’i llòco… s’è appicciàto.
 
Tèccate nu silenzio!..
 
Stanno cu’ ’e vvocche aperte
ncantànnose a guardà.
 
’E stelletèlle sàglieno perdènnose ’int’ ’o cielo,
 
E mette pace ’o ffuóco
ardendo mano mano’nfino a se cunsumà.
 
Chi porta nu vrasièro
chi, mmece, nu vascìle, nu sìcchio, na buàtta.
 
– Miette nu poco ccà. –
         
 ’Stu ffuóco, comm’ ’o ppane, se sparte suòccio suòccio.
 
’O ffuóco nun s’annèja!..
              
                       –  Quanto te n’aggia dà’?.. –  
 

Cerca nel sito

Cerca per...

Sono con noi

Ci sono attualmente 2 utenti e 2163 visitatori collegati.

Utenti on-line

  • Ardoval
  • Antonio.T.