Settembre | dialetto | Giovi55 | Rosso Venexiano -Sito e blog per scrivere e pubblicare online poesie, racconti / condividere foto e grafica

Login/Registrati

Commenti

Sostieni il sito

iscrizioni
 
 

Nuovi Autori

  • Gloria Fiorani
  • Antonio Spagnuolo
  • Gianluca Ceccato
  • Mariagrazia
  • Domenico Puleo

Settembre

Nun appena settembre schiara e ppasce
na miccia int'â ll'uocchie mme nasce.

Comme palomma ca 'e sscelle s'abbrucia,
vaco ncerca 'e calimma sott'â luce.

Ll'afa cavera e vvullente c'ha lassato,
'o calore cu ll'aria fresca s'è smurzato.

Nu tappeto 'e foglie marrone e rrosse,
ammuntunate sott'ê rame spugliate,

trascinate 'a nu viento preputente,
se nne vanno fujenne p' 'e sstrate.

Ogni ccosa pare cchiù ttriste e ngriggita,
ntanto ca se ne va 'a bbella stagione.

Mentre cammino pe nu viale arberato, 
'a luntano sento 'o rummore 'e nu tuono.

'O cielo 'e mille nuvole nere se tegne
'int'â nniente nu lampo 'o cielo straccia.

Mentre nu tuono me ntrona 'int'ê rrecchie,
'e ghianco mme se sbianca tutta 'a faccia.

A ppasso svelto verso casa me ncammino,
rattristata da 'e bbizzarrie 'e ll'autunno.

Astrignenneme 'int'ê vvraccia cunserte,
veco chiagnere 'stu cielo grigio fummo.

Nanto ca 'o tiempo 'e pressa scorre
e 'a natura se cagna e sscagna 'e vveste,

i' nun riesco a mantennere cchiù 'o tiempo:
ogni ppasso ca faccio cammina mesto.

Penzo a ogn'ora ca 'e pressa va e ppassa
e quaccheduno sempe 'o lassa p' 'a via!

Mentre n'alba nasce e nu tramonto more,
mme sento ncuorpo nu mare 'e nustalgia. 

Penzanno a cchello ca vulesse fa' dimane,
se fa' verde 'e vulio ogni ssperanza mia. 

Fosse bello si ncopp'ê foglie 'e calennario,
ccient'ate dimane ancora...putesse cuntà 'i!
Giovanna Balsamo

 

 

 
  

 
 
 
Inviato da smartphone Samsung Galaxy.

Cerca nel sito

Cerca per...

Sono con noi

Ci sono attualmente 2 utenti e 2942 visitatori collegati.

Utenti on-line

  • Ardoval
  • Antonio.T.