Nuje napulitane | dialetto | Giovi55 | Rosso Venexiano -Sito e blog per scrivere e pubblicare online poesie, racconti / condividere foto e grafica

Login/Registrati

Commenti

Sostieni il sito

iscrizioni
 
 

Nuovi Autori

  • Gloria Fiorani
  • Antonio Spagnuolo
  • Gianluca Ceccato
  • Mariagrazia
  • Domenico Puleo

Nuje napulitane

E chi 'o ssape si simmo uommene oppure capurale.
Forse sotto sotto ce sentimme ggenerale.
Chi sa si simmo tenente, mascherate 'a culunnelle,
o si pe mmantennere ll'equilibrio avimma ausa' 'a livella.
'O prublema è ca 'nun sapenne maje che pisce piglia':

spisso ce vestimme 'a fesse e addeventamme baccalà.
M nunn'è ca facimme 'e fesse pecchè vulimme fà fesse:
'o fatto, è ca purtroppo, nuje overo simmo fesse.
Sbattimme spisso 'e mmane p'acchiapp' sulo farfalle.
Jamme annanze fra prumesse e pacche 'ncopp'ê spalle.

Quanno po' tenimme 'a capa arravugliata dint'ê penziere,
sparamme 'e tricche tracche e bbotte a mmuro sott'ê piere.
Pecchè ll'anema nosta è comm'â chiara 'e ll'uovo:
però nuje mmiezo 'e pile, 'nun ll'annascunnimmo 'o core!
Ll'unica differenza fra nuje povere e 'o signore

è ca pe nuje 'a miseria è nobile, mentre p'ô ricco è disonore.
Abbundamme sempe 'e vvirgule, 'e punte esclamative,
po' 'nsieme 'e cchiacchiere ghittamme pure ô distintivo.
Ce mettimme tutt'â scienza pe pare' originale,
ma 'nun sempe ce riesce e spisso llà acchiappamme 'e pale.

Avutamme sempe 'e tutte 'e ccose a tarallucce e vino.
E quanno nunn'abbasta, sunamme pure 'o mandulino.
Pecchè signure se nasce: 'nun se po' addeventa',
ma a nuje 'nun ce ne 'mporta: stamme sempe a ce pruva'.
Cercamme 'e ce mantennere 'ncopp'â 'nu filo 'e spavo.

E 'ntanto ca se strafoghene, songo sempe j' ca pavo.
E quanno 'nun sapimme cchiù addò vutta' 'e mmane,
si putimme pavamme ogge, asinò ce pensamme dimane.
Ma forse è mmeglio rirere: poffarbacco, ohibò.
E ccà ce simme attrizzate. Tenimme 'o principe: TOTÒ!
Giovanna Balsamo

Cerca nel sito

Cerca per...

Sono con noi

Ci sono attualmente 2 utenti e 6068 visitatori collegati.

Utenti on-line

  • Antonio.T.
  • Ardoval