Sostieni anche tu il nostro sito
Scritto da © Angelo - Lun, 04/04/2011 - 23:55
U ma paisi avi u sciatu da so genti
Avi li vrazza di viddani arrustuti o suli
Avi li facci di picurara e va a cavaddu i muli
U ma paisi pasci agnedda e sparti uzzuna
Ciarma vermi e parra ca luna
E siddi u vidi o scuru ca passìa
Nserta dumanni e cunsigli spia.
U ma paisi parra a tocchi di campani
U ma paisi avi centu, milli mani.
Si porta i santi ncapu i spaddi cu duluri
Viri affacciari a matri Sant’Anna cu amuri
U ma paisi è divotu e un si movi
Sapi nescilu a sant’Ugliermu siddi un chiovi
U ma paisi è fattu di firrizza e fascidduzzi
Di vertuli, visazzi e di nacuzzi.
Nacuzzi annacati di matri ammantateddi
Mentri a vuci vola lenta ne vaneddi
U ma paisi è fattu i manna ca cula arasciu
Di linu, barracani, lana e arbrasciu
U ma paisi è scarpisiu di cavadda e sciccariddi
Abbunari di iumintara e gramari di vitiddi.
U ma paisi sapi nuveni e sapi canzuneddi
Sapi sunari e diri duci paruleddi
Sapi purtari sonu quannu è cannilivari
E sapi i fimmineddi fari annamurari.
U ma paisi è fattu di casteddu , strati e chiazza
Pari ca fussiru viddiucu testa e vrazza.
U ma paisi s’appoia supra chiddu ch’era na vota
Sapi comi gira du tiempu a rota
U sapi ca eramu tutti viddani e picurara
Cunzalemmi, stazzunara, maramarara
E si ricorda bonu i cuorpi duri da carcara
E li lamenti amari di cu zappava a Santa Lucia
Mentri na forgia supra a ncunia musica si facia.
Comi si po’ scurdari i so muntagni chini d’armala?
E quannu è troppu nvernu u picuraru ca cala?
Comu si po’ scurdari du ventu ca spagghiava?
Du mulu ca curria e taddaritiava?
U paisi, i petri, i campanara e i vaneddi
Chiddi u sannu megghiu i tutti comi si liccavanu i pateddi!
U sannu comi si fici pi tant’anni narria
Quannu cu spiranza si strincia la curria
Ma vuatri, vuatri ca sti casi l’aviti e ci stati
Picchi a chissu chiù un ci pinsati?
Picchì vi fa virogna sapiri ca viniti
Di cu appicca appicca putava i viti
Di cu senza parrari e senza diri nenti
Scavisu, patia gran patimenti.
V’affruntati di cu muncìa e vutava u tirrenu
Picchi su cosi vastisi o senza genu?
Fussi troppu bellu ca tutti amu nasciutu ricchi fori di l’occhi
E fari finta ca narria narria occhi nannuzzu un cummattia cu i piruoucchi
Comi pinsari ca cà un c’eranu poviri e mischini
Ca tutti eranu conti e principini!
Ma unn’è accussi amici mia! Unn’è accussi veramenti!
A fari a storia forsi s’arraggiavanu i putenti
Ma chiddi ca ficiru u paisi nuostru e l’addubbaru
Eranu u mastru u viddanu e u picuraru……
TRADUZIONE:
Il mio paese ha il respiro della sua gente
Ha le braccia dei contadini abbronzati dal sole
Ha le facce dei pastori e va in sella al mulo
Il mio paese cresce agnelli e divide i gemelli (di animali)
Guarisce dai vermi (malattia magica-tradizionale) e parla con la luna
E se lo vedi passeggiare nella notte
Cerca di divinare il futuro e chiede consigli
Il mio paese parla a tocchi di campana
Il mio paese ha cento, mille mani.
Porta i santi sulle spalle con dolo
Si raduna per vedere affacciare Sant’Anna con devozione (particolare momento della festa)
il mio paese ha una forte devozione
Sa che bisogna uscire san Guglielmo se non piove
il mio paese è fatto di firrizza (particolari sgabelli) e fascidduzza (contenitori per la ricotta)
di bisacce e culle
Cullette cullata da mamme coperte da manti
mentre il canto vola lento tra i vicoli.
Il mio paese è fatto di manna che scola piano
Di lino, barracane (tessuto artigianale), lana e arbasciu (altro tessuto artigianale)
il mio paese è rumoreggiare dei passi di cavalli e asinelli
addomesticare dei giumentari (Chi si occupa delle giumente) e muggire di vitelli
il mio paese sa novene e canzonette
sa suonare e dire dolci paroline
sa far festa quand’è carnevale (portare musica)
e sa far innamorare le ragazze
il mio paese ha come punti nevralgici il castello, le strade, la piazza
come se fossero ombelico, testa e braccia.
Il mio paese si appoggia ai tempi che furono
sa come gira la ruota del tempo (che tutto ritorna)
lo sa che eravamo tutti contadini e pastori
ripara terraglie, produttori di mattoni e marmisti
Si ricorda ancora bene i duri colpi nelle carcare (luoghi di produzione di gesso e calce)
e gli amari lamenti di chi zappava in contrada santa Lucia
mentre sopra l’incudine si componeva la musica.
come può scordare le sue montagne piene di animali?
e lo scendere a valle del pastore quando è troppo inverno per le greggi?
come può dimenticare il vento che spagliava?
del mulo che correva e andava avanti e indietro come i pipistrelli
il paese, le pietre, i campanili e le viuzze
loro ricordano molto bene la parsimonia usata
e lo sanno come si fece per tanti anni
quando con la speranza nel cuore si stringeva la cinta!
ma voi…voi che queste case le avete e ci state
perché non ci pensate più?
perché vi vergognate di discendere
da chi a poco a poco potava la vite?
di chi senza parlare e senza lamentarsi
scalzo, pativa grandi disagi?
vi vergognate di chi mungeva e arava la terra
perché sono cose aberranti o senza genio?
Sarebbe troppo bello se tutti fossimo nati ricchissimi
e far finta che anticamente qualche nonnino non lottava i pidocchi
come sarebbe bello pensare che qui non c’erano poveri e poverissimi
che erano tutti conti e principi!
ma non è cosi amici miei! Non è davvero cosi!
di fare la storia forse si preoccupavano i potenti
Ma chi fece il nostro paese e lo sistemò
fu il mastro, il contadino e il pastore
»
- Blog di Angelo
- Login o registrati per inviare commenti
- 13039 letture
le nostre pubblicazioni 
