Sostieni anche tu il nostro sito
Scritto da © Antonio Cristof... - Gio, 24/01/2013 - 11:38
A te penso ogni matina
quando arapo 'stu balcone
e a chest'aria fresca e fina
me ce metto a risciatà(1).
Esco fora alla 'nferriata,
me stiracchio buono buono,
ma tu nun staie affacciata,
tu nemmanco te ne adduone(2).
Io po esco nata vota
cu 'na tazza 'e cafè 'mmane.
Bevo e ' capa mia s'avota:
resta chiusa 'sta perziana.
stongo tanto rimbambito
che me scordo 'o cucchiarine.
'O cafè giro c''o dito
che 'mbruscino(3) 'int''a tazzina
Ma tu nun me tiene mente(4),
tu nemmanco te ne adduone(5).
Io me struio(6) lente lente
e a girà nun so cchiù buono.
Affacciato me ce mette,
e 'n'appena iesce tu fore
'o cafè fa 'e pirulette(7)
e me cade 'ncopp''o core.
(1) rifiatare
(2) accorgi
(3) trascino
(4) non mi guardi
(5) non te ne accorgi
(6) mi distruggo
(7) salti
»
- Blog di Antonio Cristoforo Rendola
- 1259 letture
le nostre pubblicazioni 
