Sostieni anche tu il nostro sito
Scritto da © Antonio Cristof... - Mar, 25/06/2013 - 03:54
Tutt’ammantato è ‘o cielo e’ sette ‘a sera.
Tre rondinelle che ce se rincorrono
volano ‘e pressa(1) dint’’all’aria bruna
e quasi esse se scontrano cu nu cardillo
che fuie spaventato ‘a nu strillo luntano.
‘Ntra ll’albere è appustato nu mierolo
che mo sesca e mo stracqua,(2)
po’ sesca ‘n’ata vota primma cchiù forte,
e po’, stanco, cchiù chiano.
‘Nu cane fuie, se ‘nquieta ‘na gallina.
‘Na papera zompa,’na gatta se rassetta
e chianu chiane s’allecca ‘e zampetelle.
Zì Tore, o vì chi sa, Biagio o Gerardo,
torna da terra c’’a zappa ‘ncopp’’e spalle.
Se ferma e beve sott’’a funtanelle.
‘Na voce sta cantanne “Lariulà”,
forse no p’allerezza, ma pe’ malinconia.
‘Na campana luntana sona ll’ora.
‘Na cummarella che nun tene ‘a fa
vene cuntanne a ‘na cummara soia
mo ‘e fatte ‘e chesta e doppe ‘e chella là.
E mentre nciucia se tene a mana a mana
‘na piccerella c’’a faccia bianca e rossa
ca se ‘ncapriccia, se fa venì ‘na mossa.
E chiagne,(3) se dispera, tira, tira,
ma nun se move ‘a mamma ch’é distratte.
Allora ‘st’angiulillo all’intrasatte
aizza ‘a capa e vede ‘stu balcone
addò me stongo in pace pe' tramente.(4)
Me guarda, ride e s’acqueta nu mumente.
NOTE
1 Di fretta.
2 Ora fischia ed ora tace.
3 Piange.
4 Nel frattempo.
»
- Blog di Antonio Cristoforo Rendola
- 1633 letture
le nostre pubblicazioni 
