Sostieni anche tu il nostro sito
Scritto da © Antonio Cristof... - Ven, 25/01/2013 - 18:49
Dimme tu
a chi penso assettate
sulo dint’’a 'st’amara
nuttate.
Fresca è l’aria
e ‘na luna d’argiente
'stu penziero cchiù argiento me fa.
Mo che insieme
te staie tu cu ‘n ato.
e che ammore do’ nuosto è fernuto,
pure ‘e stelle se songhe cagnate:
chiù nun brillano ‘nciele pe me.
Ma che longa è sta notte!
Chiagne chi te vo bene,
se scuntenta lu sanghe ‘int’’e vene.
Tu si ‘n ‘ ata persona,
nun si ‘a stesse ‘e na vote
e pe' me s’arrevote
stu nero destino
ch’è scritto, Carmè.
»
- Blog di Antonio Cristoforo Rendola
- 1413 letture
le nostre pubblicazioni 
