Sostieni anche tu il nostro sito
Scritto da © Antonio Cristof... - Sab, 29/06/2013 - 04:47
Tu stai malata e io chiagne.(1)
Fore fa friddo. E’ vierno.(2)
E’ vierno senza sole,
fa sule fridde e chiove.
Dint’è cchiù cupo ancora!
‘O tiempo ‘int’’a ‘sta casa
s’è fatto niro niro
e comme tona fore
me lampa ‘a chistu core.
Che de’ che me fa chiagnere,
che me fa suspirà?
Che de’ che me fa dicere:
-Nun voglio cchiù campà?-
Che de’ che me fa sentere
‘sta stretta dint’all’anema
che premme tanto ‘mpietto,
che me fa mancà ‘o sciato
e nun trova arricietto? (3)
Che de’? E’ ammore!
E’ ‘o bene che te voglio
ca se trasforma in lacreme,
cade addò stongo a scrivere
e ‘nfonne tutt’’o foglio.
NOTE
1) Piango.
2) Inverno.
3) Non trova pace
»
- Blog di Antonio Cristoforo Rendola
- 1135 letture
le nostre pubblicazioni 
