Agerola

Agerola, prufumo ‘e freschezza

da Campora a Pianillo,

Santa Maria, San Lazzaro,

Furore e Bomerano(1)

che guardano ‘a luntano

‘o mare eterno d’Amalfi a manca

e a dritta Positano.

 

A te ca ‘mmiezz’’a provole e presotte

e ‘nzerte d’aglio sott’’e trave appese,

casecavalle, latte, carne e ricotte,(2)

cchiù ‘e ‘na canzona rumantica e curtese

me faciste cantà pe’ ‘na guagliona

bianca e brunetta, doce e pazzerella

che ll’aria fresca toia veneva a risciatà.

 

A te, addò ciente e cchiù vote vase(3) m’ha dato

e carezze ‘mmiezz’a l’uva a valle

o a monte ‘ncopp’’o castielle antico(4)

addò antica gente guardava ‘o mare

cu’ speranza o paura.

 

Agerola silente e sincera,

‘nfruciuta(5) ‘e gente amabbele e cuntenta.

A te ca ‘e notte duorme ‘int’’all’argiente

ca s’addivenne d’oro albanne iuorne.(6)

A te ca bella sì!

A te ‘stu core mio avveluto e stanco

oggi te canta chest’ultima canzone…

 

 

Note

 

Agerola è un ridente paesino (chiamato la piccola svizzera) che sorge a 700 metri sulla costiera Amalfitana.

1)        Frazioni di Agerola.

2)        Provole, prosciutto, caciocavallo, ricotta, carne e fasci d’aglio (prodotti    tipici agerolesi     insieme al fior di latte.)

3)        Baci.

4)      Il castello lauritano.

5)      Affollata.

6)       Che albeggiando si trasforma in oro.