Sostieni anche tu il nostro sito
Scritto da © Maria34 - Dom, 07/04/2013 - 09:04
Ij son già disvià
ma resto lì cogià,
sento ël respir visin
d’la fomna ca dorm bin.
Scoto i rumur lontan
antant c’an rigiro pian,
e ant’ ël silensi dla sità
a je un ca canta, ma l’è stonà.
Forse a canta perchè a l’è cioch,
o perchè a vòl fermè col grop
ca l’ha ant ‘ël cheur pien ad malinconia,
pensand a l’amor che a l’è andasne via.
La lun-a gròssa ant’ël ciel,
a spatara an’ s-la sità i so ragg leger
che as pòso, sensa distinsion,
an si pover, ‘n si rich e ‘n si barbon.
E penso a lòn che a je ant’le ca,
le fomne ca strenso ij so ‘nnamurà,
le mame ca vijo an’sël sògn di so citin
mentre aj caresso le man e aj cario d’basin.
Ma a je ëd-co chi a piora pian
mentre a strens la man
ad chi la vita a lass-a
ant’el silensi dla piass-a.
Le ore d’la neuit a son longhe da pass-è
antant c’has pensa a lòn c’ha je da fè,
ma son ancora pi longhe per chi
a pensa al so avnì
cogià ant an let d’ospedal
con ël corp che ai fa sempre pi mal.
An ciochè lontan a sona le ore,
ancamino a pass-è le viture
ad chi a va a travajè,
o ad cui che a van a riposè
dopo na neuit ad travaj
e con le man pien-e d’quai.
Da na filura d’na fnestra
an ragg ad sol a bat an s’la testa
d’an cit che a vòl nen disviess-e
e antant la mama hai crija d’ausess-e.
Ed-cò sta neuit a l’è finija
a torno i rumur ant la via,
an lasu darè i pensè,
m’auso e vado ad-co mi a travajè.
Vasco Giuseppe
»
- Blog di Maria34
- 1592 letture
le nostre pubblicazioni 
