'A primmavera | dialetto | Giovi55 | Rosso Venexiano -Sito e blog per scrivere e pubblicare online poesie, racconti / condividere foto e grafica

Login/Registrati

Commenti

Sostieni il sito

iscrizioni
 
 

Nuovi Autori

  • Gloria Fiorani
  • Antonio Spagnuolo
  • Gianluca Ceccato
  • Mariagrazia
  • Domenico Puleo

'A primmavera

Aggia fa ambressa: me ll'ero quase scurdato. 
È trasuta a primmavera. Quanto so' smemorata. 
Corro me 'ntrattengo, po' fujo a ccà e a llà. 
M'aggia sape' scegliere tutt'ê tonalità.
Ddoje rose, 'na margherita, 'nu paro e lillà. 
'Na cerasella rossa p'â vocca ce po' sta. 
Ciure 'e campo servene p'appripara' 'o curpino. 
Foglie e llampune vermiglie ce vonno p'ê nastrine.
'Nu poco 'e grano jonno serve pe fà 'a curona. 
Quacche felille d'evera: crero ca ce sta bbuono. 
'Nu merlo pe fa 'o nido se vene a servi' ccà. 
Se piglia 'na frunnella: 'o nido ll'adda fa!
Aggio cusuto 'st'abito ornannolo 'e lustrine. 
Mo' ce faccio 'na passata 'e rugiada mattutina. 
Dint'â nu foglio 'e nebbia c'avevo annascunnuto, 
c'appojo 'o vestitiello ca è già bello fernuto.
- "zitte: s'è scetata. S'è misa ll'abetiello. 
Sta tutta appriparata. Ma comme pare bella! 
Va zumpanne ncopp'â ll'arbere fra 'nu ramo e n'ato, 
mentre ce cunzegna farfalle e ciure 'e prato.
Comm'è bella 'a primmavera quanno pitta e da culore. 
Pure 'e rrondine 'ncielo se mettene a fà ammore.. 
Mentre ce levamme a cuollo 'na cuperta cupa e scura: 
alleramente 'nce scartamme tutt'ê rjale d'â natura.
Giovanna Balsamo

Cerca nel sito

Cerca per...

Sono con noi

Ci sono attualmente 2 utenti e 1940 visitatori collegati.

Utenti on-line

  • Ardoval
  • Antonio.T.