La domenica mattina | dialetto | Antonio Cristoforo Rendola | Rosso Venexiano -Sito e blog per scrivere e pubblicare online poesie, racconti / condividere foto e grafica

Login/Registrati

Commenti

Sostieni il sito

iscrizioni
 
 

Nuovi Autori

  • Gloria Fiorani
  • Antonio Spagnuolo
  • Gianluca Ceccato
  • Mariagrazia
  • Domenico Puleo

La domenica mattina

Lo stadio vuoto...la folla intorno a me
 
 
Se scete ‘o vico
a ‘at’aria d’’a dummeneca matina.
‘Nu raggio ‘e sole
fuie pe’ copp’’e vasule(1)
e asciutte ‘o friddo
da nuttata.
 
E panne spase
‘a  nu balcone a ‘n ato,
comm’oro e argiento
abbiano a brillà.
 
‘Sta notte quanta tronnole!(2)
Che pace ‘stammatina!
 
Jocano mille guoccele
pe’ ll’aria zenneianne(3)
lassanne ‘stu cielo
‘e cammise ‘e cupertelle.
 
‘Stanotte quanta furmene!
Che sole stammatina!
 
S’arapene ‘e balcune
e riflettono ‘e rimpetto
‘na gioia, e proprio di rimpetto
‘n’ata risponne.
 
Pure ‘e Dummeneca
alucca ‘o verdummaro(4)
e ghiegna(5) ‘o vico st’allucco,
po’ allucca ‘n ato,
e chianu chiane tutta ‘st’ammuina
divente ‘na canzone ‘int’’a matina.
 
‘A copp’’a loggia io sento
che “San Pascale” ‘ntrona,(6)
‘ntrona “’Ascenzione”, (7)
e fuje pe’ dint’’o vico ‘st’armunia.
 
‘Stanotte quantu cchiovere!
Ch’azzurro ‘stammatima!
 
M’affaccio, e mentre guard’’o mare
addò dorme ‘na vela,
canto pur’io cu’’sti campane
e dico:-Scetateve oi
brava genta, è festa!-
 
Ma ‘a voce more ‘nganne;(8)
‘stu core sta malato
e nun se sente buono.
E’ stanco, sta abbeluto(9)
e lasse ‘e raggi cavere,
‘e panne spase, ‘e guoccioli,
‘allucche ‘e verdummare
e torna a se cuccà.
 
‘Ntrona “Ascenzione” ‘ntrona…
Hai voglia e me ‘ntrunà!
 
‘Stanotte quantu cchiovere!
Dimane che farrà?
 
 
(1)  Piastrelle di pietra lavica
(2)  Tuoni
(3)  Luccicando
(4)  Dà la voce l'ortolano
(5)  Riempie
(6)  Dalla miaterrazza sento le campane della chiesa di" S. Pasquale"
(7)  E quelle della chiesa di "Maria assunta in cielo"
(8)  In gola
(9)  Avvilito

Cerca nel sito

Cerca per...

Sono con noi

Ci sono attualmente 4 utenti e 8450 visitatori collegati.

Utenti on-line

  • Ardoval
  • LaScapigliata
  • Antonio.T.
  • ferry