Sostieni anche tu il nostro sito
Scritto da © Antonio Cristof... - Ven, 03/05/2013 - 05:05
Vene, vene ‘o befano ‘sta notte.
Vene, vene e cuntenta tu staie.
Vene, vene “cu’ ddoie scarpe rotte”.
L’occhiolino ‘int’’o scuro le faie.
Ma chi sa, ma chi sa che te porta?
Ma chi sa che le jesce ‘a ‘int’’o sacco?
Nun trapassa pe’ dint’’a ‘sta porta,
ma ‘stu core trapassa ‘Ntoniè.(1)
Porta primma ‘e pazzielle e’ criature (2):
tre cazette e ‘na quarta più grosssa.
Po’, silente e rasente p’’o mure
dint’’o lietto se mette cu te!
Ma che de’, ma che de’ c’ha purtato?
Cchiù te gire e cchiù niente tu vide!
Che sarrà, che sarrà c’ha lassato
chesta notte ‘o befano, nennè?
Mò te siente ‘o suspire vicno,
t’arravogliano ‘a vita ‘sti mane.
Po’ t’adduorme e te scite (3) dimane
e te truove abbracciata cu me.
E che d’era? Che d’era a chell’ore
ch’’o befano t’aveva purtato?
‘A cazetta cchiù grossa hè guardato
e ‘nce steva, ‘nce steva ll’Ammore!
(1) Diminutivo dialettale di Maria Antonietta (mia moglie)
(2) Pazzielle e' criature: giocattoli ai bambini.
(3) Te scite: ti svegli.
»
- Blog di Antonio Cristoforo Rendola
- 1541 letture
le nostre pubblicazioni 
